22 красакавіка / "Віцьбічы" / Наталія Крупіца /. У Нацыянальным акадэмічным драматычным тэатры імя Якуба Коласа сёння завяршыўся заключны этап 28-га гарадскога конкурса «Сцэнічныя чытанні “Школьны тэатр”.
У першы конкурсны дзень, 21 красавіка, дзесяць школьных тэатральных калектываў паказалі на камернай сцэне тэатра імя Якуба Коласа свае лепшыя спектаклі па творах беларускіх пісьменнікаў Якуба Коласа і Яна Баршчэўскага, Янкі Купалы і Уладзіміра Караткевіча, Алеся Петрашкевіча і Аляксея Дударава, Галіны Васілеўскай і Ягора Конева...
А сёння ў тэатры адбылася ўрачыстая цырымонія ўзнагароджання пераможцаў. Гран-пры конкурса «Сцэнічныя чытанні “Школьны тэатр” журы на чале з мастацкім кіраўніком НАДТ імя Якуба Коласа Канстанцінам Ганчаровым прысудзіла тэатральнаму калектыву віцебскай сярэдняй школы № 17 імя І. Р. Бумагіна за аўтарскі спектакль Варвары Саўчанка “Пакінутае дзяцінства”.
Сцэнічныя чытанні прайшлі з удзелам гасцей з Мінска. На вялікай сцэне студэнты вучэбнага тэатра Беларускага дзяржаўнага ўніверсітэта культуры і мастацтваў прадставілі спектакль па п'есе Аляксандра Астроўскага «Жаніцьба Бальзамінава».
Арганізатарамі двухдзённага “Школьнага тэатра-2025” выступілі коласаўскі тэатр, аддзел па адукацыі і аддзел ідэалагічнай работы і па справах моладзі Віцебскага гарвыканкама.
© Авторское право «Витьбичи». Гиперссылка на источник обязательна.
