У выставачнай зале музея сучаснага мастацтва адбылася прэзентацыя саламяных вырабаў, створаных выпускнікамі і навучэнцамі аддзялення «Мастацтва і дызайн» філіяла БДТУ «Віцебскі дзяржаўны тэхналагічны каледж».
Пад кіраўніцтвам майстра вытворчага навучання Жанны Арэхва маладыя людзі засвойваюць старажытнае рамяство, ствараюць крэатыўныя карціны, сумачкі, пано, скульптуры, цацкі і шматлікія сувеніры з лазы і саломкі – матэрыялаў, якія связваюць сучаснага чалавека з прыродай.
На прэзентацыі моладзевых вырабаў працаўнікі музея адзначылі, што беларуская саломка даўно з’яўляецца нацыянальным брэндам, а саломапляценне ўключана ў спіс нематэрыяльнай культурнай спадчыны ЮНЕСКА.
Майстар вытворчага навучання Жанна Арэхва прадставіла эксклюзіўныя работы выпускнікоў каледжа і запрасіла ўсіх навучэнцаў на заняткі па саломапляценню. Творчая выстава Віцебскага дзяржаўнага тэхналагічнага каледжа – паспяховы рэзультат супрацоўніцтва педагогаў і вучняў, дзе бачна, што традыцыйнае дэкаратыўна-прыкладное мастацтва працягвае развівацца ў руках новага пакалення.
Пазнаёміцца з выставай тэхналагічнага каледжа можна ў музеі сучаснага мастацтва да 14 снежня.
© Авторское право «Витьбичи». Гиперссылка на источник обязательна.
