З традыцыямі саломапляцення можна пазнаёміцца на выставе ў Віцебску

logo
Среда, 25.10.2023 08:39 | Рубрика: Культура
02015

У Віцебскім абласным метадычным цэнтры народнай творчасці ў рамках арт-праекта «Захавальнікі народных рамёстваў Віцебшчыны» адкрылася выстава-конкурс «Сонечная спадчына»

У нашай вобласці саломапляценне мае багатыя традыцыі. У кожным раёне майстры займаюцца гэтым рамяством. Элемент «Мастацкія практыкі саломапляцення Віцебскай вобласці» ў 2020 годзе ўключаны ў Дзяржаўны спiс гiсторыка-культурных каштоўнасцей Рэспублiкi Беларусь. А на 17-й сесіі Міжурадавага камітэта па ахове нематэрыяльнай культурнай спадчыны ЮНЕСКА ў Марока 1 снежня 2022 года прынята рашэнне пра ўключэнне беларускай намінацыі «Саломапляценне Беларусі: мастацтва, рамяство, уменні» ў Рэпрэзентатыўны спіс нематэрыяльнай культурнай спадчыны ЮНЕСКА. 


Выстава-конкурс «Сонечная спадчына» прадугледжвае творчае спаборніцтва майстроў народных мастацкіх рамёстваў па шасці намінацыях: «Утылітарны выраб у тэхніцы спіральнага пляцення», «Дэкаратыўны выраб у тэхніцы спіральнага пляцення», «Дэкаратыўны выраб з саломкі», «Утылітарныя вырабы з саломкі», «Саламяная пластыка», «Саламяны павук». На выставе прадстаўлена больш за 600 конкурсных работ, якія выкананы майстрамі з 21 раёна вобласці і культурна-гістарычнага комплекса «Залатое кола  горада Віцебска «Дзвіна».

У ВАМЦНТ у рамках абласнога арт-праекта «Захавальнікі народных рамёстваў Віцебшчыны» таксама адбылася прэзентацыя ўзораў народнай творчасці майстроў Чашніцкага Дома рамёстваў. Абедзве выставы будуць працаваць да 11 лістапада. 

© Авторское право «Витьбичи». Гиперссылка на источник обязательна.

Автор: Лілія РЭЗКІНА, начальнік аддзела традыцыйнай культуры ВАМЦНТ. Фота аўтара.